മരണം

സാഹചര്യങ്ങൾ ആണ് ജീവിതത്തെ നിയന്ത്രിക്കുന്നത്
സ്വഭാവം,
ഒരുപക്ഷെ തങ്കപെട്ട സ്വഭാവം എന്നൊക്കെ നമ്മൾ പുകഴ്ത്തുന്ന
പലർക്കും  സാഹചര്യങ്ങളിൽ കാലിടറും

ജീവിതത്തിന്റെ ശരിക്കുമുള്ള ആ ചൂട് മനസിലാക്കണമെങ്കിൽ
പ്രതികൂല സാഹചര്യങ്ങളിൽ നിന്ന് നോക്കണം .

ആര്കൂടെ  കൂടെയുണ്ടാകും
ആര് നിൽക്കും എന്ന് അളക്കാനുള്ള ഒരു വേദിയായി
കാണേണ്ട അതിനെ എന്ന് കരുതിയാലും
കാര്യങ്ങൾ കൂടുതൽ സ്പഷ്ടമാകും .

ചില പ്രതിസന്ധികളിൽ മനസ്സ് ഇടറരുത്
എന്ന് കരുതുമെങ്കിലും പതറി   പോകും

അപ്പോൾ ചിലപ്പോൾ അവനെ കാണും
കറുത്ത വസ്ത്രത്തിൽ ബെർഗ്മാൻ പ്രതിഷ്ഠിച്ച
ആ പ്രതിരൂപത്തെ
എന്തിന്റെ ??
മരണത്തിന്റെ .......

പേടിക്കും
മനസ്സ് പതറും
ഒരു ഭീതി മനസ്സില് ആളും
പുകയും
നമ്മൾ തളരും

ധീരതയോടെ നിന്നവരുണ്ട്
ചരിത്രം സാക്ഷി
പക്ഷെ അതൊക്കെ
അടിയുറച്ച ചില വിശ്വാസങ്ങൾക്ക്
വേണ്ടിയായിരുന്നു
ധീരന്റെ മരണം .

പക്ഷെ നിസഹായമായ ഒരു മരണം
ഉണ്ട് ,ശരീരം പിടക്കുന്നതിനെക്കൾ
ആയിരം  മടങ്ങ് മനസ്സ് വിറക്കും
അപ്പോൾ ..

യാത്ര പറയാൻ സമയമായിട്ടില്ല
എന്നാ ആശ്വാസത്തിൽ
ആണല്ലോ ..എല്ലാ കാട്ടിക്കൂട്ടലുകളും ..

സമയം അതൊന്നുറച്ചാൽ
പിന്നെ .....
ഒന്നുമില്ല
ശൂന്യം